„Hann spilaðist ágætlega framan af í 70 - 75 mínútur. Við fengum ágætis færi í fyrri hálfleik og 2 til 3 í seinni hálfleik," sagði Brynjar Björn eftir 0-1 sigur á móti Magna á Grenivík í dag.
Lestu um leikinn: Magni 0 - 1 HK
Magni gerði harða atlögu að marki HK síðustu 20 mínúturnar.
„Við hefðum geta sett annað og tekið af okkur pressuna en gerðum síðustu 20 mínúturnar erfiðar. Við vorum að hlaupa mikið úr stöðum og vorum svolítið að skapa okkar eigin vandræði í vörninni. Við hefðum geta fengið boltann lengra upp og haldið honum betur. Við þurftum að hafa virkilega fyrir þessu í dag."
HK fer á toppinn með þessum sigri.
„Gríðarlega sáttur með stigin þrjú, erfiður völlur á koma á og þetta er sennilega mikilvægasti leikurinn á tímabilinu fyrir okkur."
HK á Víkingu Ó. á útivelli í næsta leik.
„Víkingur Ó. er með gott lið og góða leikmenn. Þeir hafa verið á ágætis siglingu í síðustu leikjum og náð í góð úrslit. Við hugsum um hann á mánudaginn og undirbúum okkur mjög vel fyrir leikinn."
Hörður og Máni hafa komið til HK í glugganum.
„Við erum búnir að fá Hörð og Mána. VIð förum yfir það um helgina og kíkjum á það hvort við fáum kannski einn í viðbót."
Viðtalið má sjá heild í sjónvarpinu hér að ofan.
Athugasemdir