Hinn 17 ára gamli Benjamin Davis skrifaði undir tveggja ára samning við Fulham á dögunum.
Davis er fyrsti leikmaðurinn frá Singapúr til að skrifa undir hjá ensku úrvalsdeildarfélagi.
Hann fær þó ekki undantekningu á tveggja ára herskyldu sem allir þegnar þurfa að gegna.
Búið er að safna yfir 20 þúsund undirskriftum til að veita Davis undanþágu svo hann geti þróað knattspyrnuhæfileika sína en singapúrska ríkisstjórnin segist ekki ætla að veita honum öðruvísi meðhöndlun en öðrum.
Mikið grín var gert að aðstoðarforsætisráðherra Singapúr vegna málsins, en hann hrósaði Frakklandi á dögunum fyrir gott uppeldisstarf í íþróttum. Í Frakklandi er ekki herskylda.
Athugasemdir