Það var ágætlega sáttur þjálfari Víkinga Arnar Gunnlaugsson sem mætti í viðtal við fréttaritara Fótbolta.net eftir jafntefli liðsins gegn Val í Víkinni í kvöld.
Eftir að hafa lent 0-2 undir snemma í síðari hálfleik komu Víkingar til baka og náðu að jafna metin skömmu fyrir leikslok og tryggja sér mikilvægt stig í botnbaráttunni.
Eftir að hafa lent 0-2 undir snemma í síðari hálfleik komu Víkingar til baka og náðu að jafna metin skömmu fyrir leikslok og tryggja sér mikilvægt stig í botnbaráttunni.
Lestu um leikinn: Víkingur R. 2 - 2 Valur
„Þetta var bara mjög flottur fótboltaleikur tveggja góðra fótboltaliða. Fótboltinn sem boðið var uppá hér í kvöld er í hæsta gæðaflokki á Íslandi.“
Sagði Arnar um leik kvöldsins og bætti svo við.
„Ég hefði helst vijað að dómarinn hefði bætt aðeins lengri tíma við því þetta var bara skemmtilegur leikur. Skemmtilegur fyrir áhorfendur, skemmtilegur fyrir mig líka ég elska svona leiki. “
Leikur Víkinga í sumar hefur verið að mestu leyti góður og hafa þeir fengið hrós fyrir þótt úrslitin hafi ekki fallið með þeim.
En er það ekki bara tímaspursmál hvenær það smellur?
„Jú ég held það. Þó að þú fáir svona góða leikmenn eins og Kára og Kwame þá er bara korter síðan þeir komu og þetta tekur tíma.“
Vika er eftir að glugganum hér heima. Er von á fleiri breytingum á leikmanna hópi Víkinga?
„Já það er ekkert launungarmál að okkur vantar einn leikmann til viðbótar. Einn leikmann til að færa liðið upp á næsta level og við erum að vanda valið okkar vel en það væri gríðarlega öflugt að landa einu stóru signing áður en að glugginn lokar.“
Sagði Arnar Gunnlaugsson en allt viðtalið má sjá hér að ofan.
Athugasemdir