Hinn 26 ára gamli Maguire hefur verið sterklega orðaður við bæði Manchester-félögin í sumar. Leicester vill fá meira en 75 milljónir punda fyrir Maguire en hann yrði þá dýrasti varnarmaður sögunnar.

Það að hann sé að fá fyrirsagnir í blöðum er samt ekki að trufla þennan öfluga varnarmann að mati Morgan.

„Þetta er sami Harry sem við þekkjum og elskum," sagði Morgan.

„Ég veit ekki hvað mun gerast en núna er hann leikmaður Leicester og við njótum þess að hafa hann hérna. Hann hefur ekkert sagt."

Maguire gekk í raðir Leicester fyrir 12-17 milljónir punda árið 2017. Ef Leicester selur hann í sumar mun félagið stórgræða.