Hallbera var eðlilega afar ósátt við úrslitin á Kópavogsvelli í kvöld
Hallbera Guðný Gísladóttir, fyrirliði Vals, var eðlilega sár og svekkt eftir stórt tap gegn Breiðablik.
„Ég er drullufúl. Við áttum ágætis fyrri hálfleik. Mér fannst hann í járnum. Bæði lið voru að stríða hvoru öðru og þau hefðu bæði getað skorað. Við förum svo inn í hálfleik og ætlum bara að halda áfram og reyna að bæta í en það springur í andlitið á okkur. Við fáum á okkur tvö mörk snemma í seinni hálfleik sem að eiginlega drepur okkur niður. Ég hefði viljað sjá okkur bregðast við þessum mörkum með því að setja aðeins á þær en þær eru með það gott lið að þær gengu á lagið og rúlluðu yfir okkur í dag,“ sagði Hallbera um leikinn.
„Ég er drullufúl. Við áttum ágætis fyrri hálfleik. Mér fannst hann í járnum. Bæði lið voru að stríða hvoru öðru og þau hefðu bæði getað skorað. Við förum svo inn í hálfleik og ætlum bara að halda áfram og reyna að bæta í en það springur í andlitið á okkur. Við fáum á okkur tvö mörk snemma í seinni hálfleik sem að eiginlega drepur okkur niður. Ég hefði viljað sjá okkur bregðast við þessum mörkum með því að setja aðeins á þær en þær eru með það gott lið að þær gengu á lagið og rúlluðu yfir okkur í dag,“ sagði Hallbera um leikinn.
Lestu um leikinn: Breiðablik 4 - 0 Valur
Aðspurð um hvað úrslitin þýddu fyrir framhaldið svaraði Hallbera:
„Þetta þýðir að nú erum við farnar að elta. Það þýðir ekkert að mótið sé búið en nú þurfum við bara að klára okkar leiki. Við erum að fara í erfiða leiki. Það er fullt af góðum liðum í þessari deild. Við þurfum að fókusa á sjálfar okkur. En það er í höndum Blika núna hvernig mótið fer. Ég sé þær svosem ekkert tapa mörgum stigum en við höldum okkar dampi og ætlum aftur á sigurbraut.“
Nánar er rætt við fyrirliða Vals í spilaranum hér að ofan.
Athugasemdir
