Ödegaard gekk til liðs við Sociedad á láni frá Real Madrid síðasta sumar en hann átti gott tímabil í spænsku deildinni þar sem hann skoraði sjö mörk og lagði upp níu.

Hann hjálpaði Sociedad að ná sjötta sæti deildarinnar og þar með tryggja Evrópudeildarsæti en Sociedad vonast til að halda honum í eitt tímabil til viðbótar.

„Já ég held að hann verði áfram. Þetta er ekki undir okkur komið heldur honum og Real Madrid en við erum vongóðir um að hann verði í eitt tímabil til viðbótar," sagði Jokin Aperribay, forseti Sociedad.