Franska félagið Nice hefur staðfest að ítalski framherjinn Mario Balotelli leiki áfram með liðinu í vetur.
Hinn 28 ára gamli Balotelli hefur verið orðaður við Marseille og fleiri félög undanfarið en hann mætti ekki til æfinga hjá Nice eftir sumarfrí.
Balotelli hefur verið í leikbanni í byrjun tímabils í Frakklandi en nú er ljóst að hann verður áfram hjá Nice.
„Tímabil þrjú er framundan. Allir aðilar náðu samkomulagi um það á mánudagskvöld," sagði Nice í yfirlýsingu í gær.
Balotelli, sem er fyrrum leikmaður Manchester City og Liverpool, hefur skorað 43 mörk með Nice en hann er klár í slaginn fyrir leik liðsins gegn Lyon um næstu helgi.
Athugasemdir