Viktor Örn (til hægri).
„Fyrri hálfleikurinn eyðilagði þetta fyrir okkur. Við spiluðum ágætlega en fáum á okkur tvö skítamörk og það var brekka eftir það sem við náum ekki að rífa okkur upp úr," sagði Viktor Örn Guðmundsson, leikmaður ÍR, eftir 0-3 tap á heimavelli gegn Vestra í 2. deild karla í kvöld.
Lestu um leikinn: ÍR 0 - 3 Vestri
Lestu um leikinn: ÍR 0 - 3 Vestri
Viktor var loksins í byrjunarliði eftir löng meiðsli. Viktor hafði komið inn á fimm sinnum í sumar en hann missti af allri síðustu leiktíð.
„Auðvitað mjög góð tilfinning að byrja loksins leik, ég fann mig ágætlega og hljóp mikið. Ánægður með að hafa náð 90 mínutum."
Vonir ÍR eru orðnar að nánast engu um að komast upp í Inkasso-deildina en liðið er nú níu stigum frá Vestra sem situr í 2. sæti deildairnnar.
„Við vorum á ágætis skrið en tveir tapleikir núna í röð gera okkur lífið leitt. Vissulega er þetta brekka en það er alltaf von."
Viðtalið í heild sinni má sjá í spilaranum hér að ofan.
