Stöð 2 Sport mun ekki sýna leik Manchester United og Wolves í ensku úrvalsdeildinni á morgun. Leikurinn hefst klukkan 14:00 en á sama tíma verður leikur Liverpool og Southampton í beinni útsendingu.
Stöð 2 Sport er aðeins heimilt að sýna einn leik klukkan 14.00 hvern laugardag og því þurfti að velja á milli þessara leikja.
Stöð 2 Sport er aðeins heimilt að sýna einn leik klukkan 14.00 hvern laugardag og því þurfti að velja á milli þessara leikja.
Allir leikir Manchester United hafa verið í beinni á Stöð 2 sport undanfarin ár en þetta er í fyrsta skipti í tvö ár sem United og Liverpool spila bæði klukkan 14:00 á laugardegi.
Það sama gerist í 13. umferðinni í vetur en þá verður leikur United sýndur og Liverpool ekki.
Yfirlýsing frá Stöð 2 Sport
Kæru áskrifendur Stöðvar 2 Sports
Á morgun, laugardag 22. september, verður leikur Man Utd og Wolves ekki sýndur í beinni útsendingu. Ástæðan er sú að samkvæmt þeim skilyrðum sem okkur eru sett í samningi okkar við rétthafa í Bretlandi er Stöð 2 Sport, sem og öðrum rétthöfum í Evrópu, aðeins heimilt að sýna einn leik klukkan 14.00 hvern laugardag.
Ástæða þess að við viljum vekja sérstaka athygli á þessu nú er að stuðningsmannahópur Man Utd á Íslandi er stór, sem og í hópi okkar viðskiptavina. Stöð 2 Sport hefur sýnt alla leiki Man Utd síðastliðin ár. Þess er ekki kostur þessa helgina og biðjum við viðskiptavini okkar velvildar á því.
Þetta er í fyrsta skipti í 2 ár að Premier League setur Liverpool og Man Utd leiki á þessum leiktíma. Þetta mun koma aftur upp í 13. umferð en þá þurfum við að sleppa Liverpool leik.
Athugasemdir