„Þetta var geggjaður leikur. Það kom ekkert annað til en að vinna hann. Þetta var aldrei í hættu," sagði Elmar Atli Garðarsson, fyrirliði Vestra, eftir 7-0 sigur á Tindastóli í dag.

Lestu um leikinn: Vestri 7 -  0 Tindastóll

Með sigri í dag tryggði Vestri sér sæti í Inkasso-deildinni næsta sumar.

„Það var kominn tími til að vinna Tindastól, þeir hafa reynst okkur mjög erfiðir seinustu ár. Það er mjög fínt að klára þetta."

Það vantaði stöðugleika í Vestra í upphafi móts, en þegar leið á tímabilið fór að ganga betur.

„Þetta er alltaf svona hjá okkur. Við erum með tvískiptan hóp í byrjun árs og það tekur tíma að stilla saman strengi. Þetta gerðist líka í fyrra og það er það sama núna."

Hvernig er að vera fyrirliði í dag?

„Það hefur aldrei verið betra," sagði Elmar Atli að lokum.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit