„Við áttum ekki góðan fyrri hálfleik en liðið snýr leiknum. Alltof margir leikmenn sem voru langt frá sínu venjulega standi í fyrri hálfleik en gott spjall í hálfleik varð til þess að við kláruðum þetta í seinni," sagði Kristján Guðmundsson, þjálfari Stjörnunnar, eftir 3-1 heimasigur á KR í lokaumferð Pepsi Max-deildar kvenna í dag.
Lestu um leikinn: Stjarnan 3 - 1 KR.
Sjáðu viðtalið í heild sinni í spilaranum efst í fréttinni.
Lestu um leikinn: Stjarnan 3 - 1 KR.
Sjáðu viðtalið í heild sinni í spilaranum efst í fréttinni.
Shameeka Fisher og Diljá Ýr Zomers voru sérstaklega öflugar hjá Stjörnunni í dag.
„Við ætluðum að fara með sóknarleikinn í gegnum Shameeka og Diljá, sérstaklega í seinni hálfleiknum eða þá í gegnum Birnu."
Stjarnan var einungis með fjóra varamenn á bekknum í leiknum í dag. Stjarnan lék án t.a.m. Sigrúnar Ellu, Hildigunnar, Anítu og Jönu í leiknum í dag.
„Það eru sumir okkar leikmenn orðnir landsleikjaleikmenn en ekki félagsleikmenn. Svo eru meiðsli og veikindi hjá okkur. Við vorum komnir ansi langt í yngri flokkana til að manna bekkinn."
„Markahæsti leikmaðurinn hjá okkur, Hildigunnur (Ýr Benediktsdóttir) er búin að spila fleiri landsleiki en deildarleiki á árinu."
Stjarnan endar með sigrinum í fimmta sæti deildarinnar og var Kristján spurður hvort hann teldi það ásættanlegt.
„Miðað við allt og hvernig tímabilið þróaðist þá myndi ég telja að þetta sé hrikalega vel gert hjá leikmönnunum að klára fimmta sætið. Í síðasta landsleikjahléi vorum við að fara í fallbaráttuslag gegn Keflavík. Miðað við allt sem hefur gerst þá eru stelpurnar að skila hrikalega góðu verki."
Kristján var svo spurður út í umræðuna sem myndaðist um mitt sumar að illa gengi hjá Stjörnuliðinu að skora og hvernig hópurinn liti út upp á næstu leiktíð.
