Liverpool komst upp að hlið Manchester City með sigrinum en Huddersfield er eitt af tveimur liðum deildarinnar sem enn hefur ekki náð að vinna leik. Newcastle er hitt þeirra.

Andrew Robertson leikmaður Liverpool spilaði allan leikinn og hafði þetta að segja í leikslok,

„Þetta var mjög erfiður leikur á móti góðu liði Huddersfield. Það er mikilvægt að vinna þessa leiki líka."

„Það kom okkur ekkert á óvart hversu erfiður þessi leikur var. Við þurftum að leikgreina þá vel og vera einbeittir á verkefnið. Þjálfarateymið sagði okkur að þeir væru með betra lið en taflan myndi gefa til kynna."

Liverpool mætir Rauðu Stjörnunni í Meistaradeildinni á miðvikudagskvöld.