Dembele, sem er 24 ára gamall, verður samningslaus næsta sumar en samningaviðræður við Börsunga hafa gengið illa og ekki miklar líkur á því að hann framlengi samning sinn.

Hann hefur verið sterklega orðaður við enska úrvalsdeildarfélagið Liverpool en nú virðist Newcastle United vera komið í baráttuna um hann.

Samkvæmt Goal.com þá er Dembele opinn fyrir því að fara til Newcastle.

Enska félagið ætlar sér að eyða háum fjárhæðum í leikmenn á næstu mánuðum eftir að Mohamed Bin Salman, krónprinsinn frá Sádi Arabíu, keypti félagið frá Mike Ashley fyrir 300 milljónir punda á dögunum.