Framundan hjá kvennalandsliðinu eru tveir leikir í undankeppni HM. Á morgun mætir liðið Tékklandi og á þriðjudag mætir liðið Kýpur.
Í síðasta landsliðsverkefni fór landsliðshópurinn bæði í golf og í paintball.
Fréttaritari spurði Guðnýju Árnadóttur í viðtali í gær hvort eitthvað sérstakt hefði verið gert í vikunni til að halda stemningunni léttri.
Í síðasta landsliðsverkefni fór landsliðshópurinn bæði í golf og í paintball.
Fréttaritari spurði Guðnýju Árnadóttur í viðtali í gær hvort eitthvað sérstakt hefði verið gert í vikunni til að halda stemningunni léttri.
„Við fórum í spurningakeppni í gærkvöldi, Ási [aðstoðarþjálfari] sá um það og svo einhverja leiki á æfingum. Það er mjög gaman hjá okkur og hópurinn skemmtilegur," sagði Guðný í gær.
„Ég var með Hallberu í liði, hún sá um þetta og við rústuðum þessu," sagði Guðný aðspurð hvort einhver hefði komið á óvart í keppninni.
Sif Atladóttir kom á eftir Guðnýju í viðtal og var hún einnig spurð út í spurningakeppnina. Hvernig gekk þínu liði?
„Team TikTok var alveg að standa sig; ég, Sveindís [Jane Jónsdóttir] og Cessa [Cecilía Rán Rúnarsdóttir]."
„Við krakkarnir vorum saman og það gekk ansi vel. Þetta var góð blanda af ungu og gömlu og við vorum þarna einhvers staðar í miðjumoði," sagði Sif.
„Við vorum ekki alveg með sumar staðreyndir á hreinu en mikilvægustu spurningarnar eins og allt í kringum Seinfeld og allt þetta var allt niðurneglt," sagði Sif á léttu nótunum.
Athugasemdir