Færeyski landsliðsmaðurinn Rene Joensen verður áfram hjá Grindavík á næsta tímabili en þetta staðfesti hann í samtali við in.fo.
Rene sagði í viðtali í Færeyjum í síðasta mánuði að hann vildi spila hjá stærra félagi en Grindavík.
Rene er samningsbundinn Grindavík í ár til viðbótar og nú er ljóst að hann fer ekki fet.
Síðastliðið sumar skoraði Rene tvö mörk í tuttugu leikjum í Pepsi-deildinni með Grindavík.
Rene er einnig fastamaður í færeyska landsliðinu en hann skoraði í gærkvöldi í 1-1 jafntefli gegn Möltu í Þjóðadeildinni.
Rene var í yngri liðum Bröndby á sínum tíma en hann lék síðan með HB í heimalandinu 2014 og 2015. Hann lék með Vendsyssel í Danmörku áður en hann samdi við Grindavík sumarið 2017.
Athugasemdir