Frammistaða Newcastle í 2-0 tapinu gegn Chelsea var gagnrýnd á BT Sport þar sem leikurinn er sýndur í Bretlandi.
Jake Humphrey stýrði umræðunni á BT Sport með tvo fyrrum landsliðsmenn Englands með sér í setti, þá Joe Cole og Jermaine Jenas.
Humphrey var harðorður í gagnvart Newcastle og frammistöðu þeirra í leiknum.
„Þrjátíu og þrjár mínútur búnar. (Newcastle) búið að vera 19 prósent með boltann og hafa ekki átt skot á markið. Hvar er þráin hjá Newcastle? Hvaða plani hafa þeir unnið að síðustu tvær vikur? Eins og æfingaleikur fyrir Chelsea," skrifaði Humphrey á Twitter.
„Sumir halda að stuðningsmenn Newcastle vilji Meistaradeildarfótbolta. Þeir vilja það ekki, í dag vilja þeir bara að liðið sitt eigi skot á markið," sagði Humphrey jafnframt.
Steve McManaman, fyrrum leikmaður Liverpool og Real Madrid, lýsti leiknum og hann var ekki heldur hrifinn af því sem hann sá frá Newcastle. Undir lok leiksins átti Newcastle innkast nálægt marki Chelsea og boltinn endaði hjá Karl Darlow, markverði heimamanna.
„Þetta gerir mig brjálaðan. Þeir eiga innkast við vítateig Chelsea og boltinn endar hjá markverði þeirra. Hvernig gerist þetta? Hvernig gerist þetta? Þú ert 2-0 undir og það eru sjö mínútur eftir. Þú átt innkast á hættulegu svæði og þú ferð 90 jarda til baka."
Steve Bruce, stjóri Newcastle, svaraði fyrir gagnrýnina eftir leik og sagði hann: „Það verður alltaf einhver gremja. Það vantaði mikilvæga pósta hjá okkur. Chelsea er mjög gott lið. Við fengum þrjú góð tækifæri og gegn stóru liðunum verður þú að taka nýta þau."
Hér að neðan má sjá stöðuna í ensku úrvalsdeildinni.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 35 | 23 | 7 | 5 | 67 | 26 | +41 | 76 |
| 2 | Man City | 35 | 21 | 9 | 5 | 69 | 32 | +37 | 72 |
| 3 | Man Utd | 36 | 18 | 11 | 7 | 63 | 48 | +15 | 65 |
| 4 | Liverpool | 36 | 17 | 8 | 11 | 60 | 48 | +12 | 59 |
| 5 | Aston Villa | 35 | 17 | 7 | 11 | 48 | 44 | +4 | 58 |
| 6 | Bournemouth | 36 | 13 | 16 | 7 | 56 | 52 | +4 | 55 |
| 7 | Brighton | 36 | 14 | 11 | 11 | 52 | 42 | +10 | 53 |
| 8 | Brentford | 36 | 14 | 10 | 12 | 52 | 46 | +6 | 52 |
| 9 | Chelsea | 36 | 13 | 10 | 13 | 55 | 49 | +6 | 49 |
| 10 | Everton | 35 | 13 | 9 | 13 | 44 | 44 | 0 | 48 |
| 11 | Fulham | 36 | 14 | 6 | 16 | 44 | 50 | -6 | 48 |
| 12 | Sunderland | 36 | 12 | 12 | 12 | 37 | 46 | -9 | 48 |
| 13 | Newcastle | 35 | 13 | 6 | 16 | 49 | 51 | -2 | 45 |
| 14 | Leeds | 35 | 10 | 13 | 12 | 47 | 52 | -5 | 43 |
| 15 | Crystal Palace | 34 | 11 | 10 | 13 | 36 | 42 | -6 | 43 |
| 16 | Nott. Forest | 35 | 11 | 9 | 15 | 44 | 46 | -2 | 42 |
| 17 | Tottenham | 35 | 9 | 10 | 16 | 45 | 54 | -9 | 37 |
| 18 | West Ham | 35 | 9 | 9 | 17 | 42 | 61 | -19 | 36 |
| 19 | Burnley | 35 | 4 | 8 | 23 | 35 | 71 | -36 | 20 |
| 20 | Wolves | 36 | 3 | 9 | 24 | 25 | 66 | -41 | 18 |
