Senegal og Holland áttust við í fyrstu umferð HM í Katar í dag og var leikurinn spilaður á Al Thumama leikvanginum sem tekur 40 þúsund manns í sæti.
Á 78. mínútu leiksins var áhorfendafjöldinn kynntur í hátalarakerfinu og nam hann 41,721 áhorfanda - rúmlega 1700 áhorfendum yfir getu.
Þessar tölur vekja mikla athygli í ljósi þess að það þótti nokkuð augljóst í sjónvarpsútsendingunni að leikvangurinn var langt frá því að vera fullur af áhorfendum. Hlutar áhorfendapallanna voru tómir.
Al Thumama leikvangurinn er glænýr og var byggður fyrir HM. Hann hýsti sinn fyrsta keppnisleik í október 2021.
Holland vann leikinn þökk sé mörkum frá Cody Gakpo og Davy Klaassen sem komu bæði á lokakaflanum eftir spennandi viðureign.
Athugasemdir
