Senegal 0 - 2 Holland
0-1 Cody Gakpo ('84)
0-2 Davy Klaassen ('99)
Senegal og Holland áttust við í fyrstu umferð riðlakeppni heimsmeistaramótsins og úr varð hörkuleikur.
Bæði lið komust í góð færi í leiknum án þess þó að skora. Hollendingar komust nokkrum sinnum í góðar stöður en tókst ekki að skora á meðan Senegalar áttu fleiri og betri markiltraunir en boltinn rataði ekki í netið.
Það var ekki fyrr en á 84. mínútu sem eina mark leiksins leit dagsins ljós. Cody Gakpo skallaði þá frábæra fyrirgjöf Frenkie de Jong í netið eftir misheppnað úthlaup Edouard Mendy af marklínunni.
Þetta var fyrsta marktilraun Hollendinga sem hæfði rammann og reyndu Senegalar að jafna út átta mínútna uppbótartímann, en það tókst ekki. Þess í stað kom Davy Klaassen inn af bekknum og innsiglaði sigur Hollendinga með þriðju marktilraun þeirra appelsínugulu á rammann.
Lokatölur 0-2 og geta Senegalar verið svekktir með að tapa þessum leik eftir að hafa sýnt flotta frammistöðu.
Holland er því með þrjú stig eftir fyrstu umferðina og deilir toppsætinu með Ekvador.