Sextán liða úrslit enska deildabikarsins halda áfram í kvöld með þremur leikjum. Íslenski landsliðsmaðurinn Jóhann Berg Guðmundsson og hans menn í Burnley mæta Manchester United á Old Trafford.
Fyrrum Valsarinn, Dean Holden, stýrir væntanlega Charlton í fyrsta sinn er liðið fær öflugt lið Brighton í heimsókn klukkan 19:45 en á sama tíma spila nýliðar úrvalsdeildarinnar, Nottingham Forest, við Blackburn Rovers á Ewood Park.
Klukkan 20:00 er svo leikur Manchester United og Burnley á Old Trafford. United verður án nokkurra lykilmanna í þessum leik þar sem leikmenn eru að koma til baka eftir heimsmeistaramótið.
Jóhann Berg verður væntanlega í hópnum hjá Burnley.
Leikir dagsins:
19:45 Charlton Athletic - Brighton
19:45 Blackburn - Nott. Forest
20:00 Man Utd - Burnley
Athugasemdir
