Emil skrifaði undir tveggja ára samning við Frosinone síðasta sumar en hefur ekki spilað síðan 5. otkóber vegna hnémeiðsla,

Þessi 34 ára miðjumaður fór í aðgerð í desember og er enn á meiðslalistanum,

Emil hefur stærstan hluta ferils síns spilað á Ítalíu en hann hefur leikið tæplega 300 leiki fyrir Reggina, Verona og Udinese.

Frosinone er í erfiðri stöðu í ítölsku A-deildinni, liðið er með 10 stig og situr í fallsæti, sjö stigum frá öruggu sæti.

Emil hefur leikið 67 landsleiki fyrir Ísland en hann var besti leikmaður landsliðsins á HM í Rússlandi í fyrra.