Spilað var í Faxaflóamótinu í kvöld og þar mættust Augnablik og ÍA í B-riðli. Leikurinn fór fram í Fífunni í Kópavogi. Bæði þessi lið koma til með að spila í Inkasso-deildinni.

Það var ekki mikið sem skildi liðin að í kvöld, aðeins eitt mark. Það kom snemma í síðari hálfleik og var þar að verki Erla Karitas Jóhannesdóttir fyrir ÍA.

Augnablik náði ekki að svara og lokatölur því 1-0 fyrir Skagastelpur. Gott veganesti fyrir þær.

Eftir leik kvöldsins eru bæði ÍA og Augnablik búin að leika tvo leiki. ÍA hefur unnið báða leiki sína en Augnablik er með þrjú stig, eftir sigur í fyrsta leiknum gegn Álftanesi en tap í kvöld.

Markaskorarar af urslit.net