Ensk félög þurfa að skila inn bókhaldinu fyrir síðasta tímabil til skattayfirvalda í mars og er útlit fyrir að Liverpool muni bæta gróðamet Leicester City frá tímabilinu 2016-17.
Leicester vann ensku úrvalsdeildina óvænt ári fyrr og græddi í kjölfarið gífurlegar upphæðir með því að komast í 8-liða úrslit Meistaradeildarinnar.
Félagið skilaði 92.5 milljón punda hagnaði fyrir það tímabil en líkur eru á að Liverpool hafi þénað yfir 100 milljónir í fyrra.
Liverpool fékk mikinn pening úr Meistaradeildinni, eða rúmlega 70 milljónir punda, og fyrir söluna á Philippe Coutinho til Barcelona, sem borgaði rúmlega 100 milljónir fyrir Brassann.
Athugasemdir