Kiwior er 22 ára gamall og spilað með Spezia síðustu tvö ár en hann kom til félagsins frá Zilina í Slóvakíu.

Varnarmaðurinn spilaði fjóra leiki pólska landsliðsins á HM í Katar undir lok síðasta árs.

Allt er á uppleið hjá þessum frambærilega leikmanni en hann er nú nálægt því að ganga í raðir toppliðs Arsenal á Englandi.

Arsenal er búið að ná samkomulagi við Spezia um kaupverð en félagið greiðir 20 milljónir punda og gerir hann langtímasamning við enska félagið.

Kiwior stóðst læknisskoðun í dag og á aðeins eftir að skrifa undir samninginn áður en hann verður kynntur.

Þetta verða önnur kaup Arsenal í glugganum eftir að það fékk Leandro Trossard frá Brighton. Félagið vill fá Ivan Fresneda frá Real Valladolid og einn miðjumann áður en glugginn lokar.