Ítalía: Jafnt hjá Fiorentina og Mílan

Fiorentina og AC Mílan mættust í lokaleik dagsins í ítölsku úrvalsdeildinni í kvöld.

Staðan var markalaus að loknum fyrri hálfleik en meira fjör færðist í leikinn í seinni hálfleik.

Ante Rebic kom AC Mílan yfir á 56. mínútu, sex mínútum síðar misstu heimamenn mann af velli með rautt spjald, Dalbert var rekinn af velli.

Þrátt fyrir að vera manni færri tókst heimamönnum að jafna, það gerði Erick Pulgar úr vítaspyrnu á 85. mínútu.

Lokatölur 1-1 í viðureign Fiorentina og AC Mílan, heimamenn í 13. sæti en gestirnir frá Mílanó í 7. sæti.