Enn og aftur er VAR í umræðunni á Englandi. Í leik Chelsea og Tottenham sem var að klárast er búið að viðurkenna það að gerð hafi verið mistök í notkun á VAR.
Giovani Lo Celso gerðist sekur um ljótt brot um miðjan seinni hálfleikinn þegar hann traðkaði á César Azpilicueta, fyrirliða Chelsea. Atvikið var skoðað í VAR, en eftir það var tekin ákvörðun um að gefa Lo Celso ekki rautt spjald. Hann fékk ekki einu sinni gult spjald.
Fyrst var komið með þá skýringu að ekki hefði verið gefið rautt spjald þar sem Lo Celso „hafði engan annan stað til að setja fót sinn á."
Síðan var gefin út önnur yfirlýsing þar sem kom fram að um mannleg mistök hefði verið að ræða.
Michael Oliver dæmdi leikinn og skoðaði hann ekki VAR-skjáinn þrátt fyrir að vera mun reynslumeiri en VAR-dómarinn, David Coote.
Smelltu hérna til að sjá þetta ljóta brot.
Today’s VAR - David Coote -
— Jake Humphrey (@mrjakehumphrey) February 22, 2020
has taken charge of 23 Premier League games.
Today’s ref - Michael Oliver -
has taken charge of 254 Premier League games.
Why not let a man over 10 times more experienced in the PL look at a screen 2 seconds away from him & make an on-field call🤷🏻♂️
Athugasemdir