U21 mætir í dag Tékklandi í vináttulandsleik á Pinatar Arena í Murcia á Spáni.

Smelltu hér til að sjá U21 hópinn sem mætir Tékklandi og Katar.

Þrír leikir fara fram í Lengjubikar karla í dag. Á Samsung vellinum í Garðabæ tekur KFG á móti Vestra í riðli 3 í B-deild bikarsins. KFG hefur sjö stig eftir þrjá leiki og er á toppi riðilsins. Vestri er með fjögur stig eftir jafn marga leiki.

Riðill 6 í C-deild bikarsins heldur áfram í kvöld. KÁ og Ísbjörninn unnu fyrstu leiki riðilsins og mætast innbyrðis í kvöld. KM mætir Fenri í hinum leik riðilsins.

Leikirnir sem fara fram á laugardag og sunnudag má sjá hér að neðan. Það styttist í alvöruna, Íslandsmótið. Lengjubikarinn er í fullum gangi, frítt er á völlinn og hvetjum við fólk til þess að kíkja á sitt lið áður en alvaran hefst.