Ísland vann skyldusigur á Andorra í undankeppni EM í kvöld. Nokkrir aðrir leikir voru í undankeppninni á þessu föstudagskvöldi.
Í riðli okkar Íslendinga vann Frakkland öruggan sigur á Moldavíu. Antoine Griezmann, Raphael Varane og Olivier Giroud komu Frökkum í 3-0 og Kylian Mbappe við fjórða markinu á 87. mínútu.
Heimamenn í Moldavíu náðu hins vegar að minnka muninn undir lokin og urðu lokatölur því 4-1. Næsti leikur Heimsmeistara Frakklands er gegn Íslandi á mánudag.
Victoire de l'Equipe de France !! (1-4) 👊
— Equipe de France ⭐⭐ (@equipedefrance) March 22, 2019
🇲🇩🇫🇷 #MOLFRA #FiersdetreBleus pic.twitter.com/QSMyRT2CLQ
Tyrkland vann þá sterkan 2-0 sigur gegn Albaníu.
England bauð upp á veislu
Í Lundunum átti England ekki í neinum vandræðum með Tékkland. Raheem Sterling skoraði fyrsta markið á 24. mínútu og fyrir leikhlé bætti Harry Kane við marki úr vítaspyrnu.
Í síðari hálfleiknum fullkomnaði Sterling þrennu sína og urðu lokatölur 5-0. England byrjar af krafti í þessari undankeppni.
The hat-trick might have come with plenty of fortune, but Raheem Sterling's rise hasn't. Booed by England fans less than three years ago, standing ovation at Wembley tonight. A proper role model.
— Daniel Storey (@danielstorey85) March 22, 2019
Framtíðin er björt hjá Englandi. Leikmenn eins og Jadon Sancho, Declan Rice og Callum Hudson-Odoi spiluðu í þessum leik.
Cristiano Ronaldo og félagar í Portúgal gerðu markalaust jafntefli við Úkraínu. Portúgal er ríkjandi Evrópumeistari. Engin draumabyrjun hjá Portúgölum.
Hér að neðan eru öll úrslit kvöldsins.
A-riðill
England 5 - 0 Tékkland
1-0 Raheem Sterling ('24 )
2-0 Harry Kane ('45 , víti)
3-0 Raheem Sterling ('62 )
4-0 Raheem Sterling ('68 )
5-0 Tomas Kalas ('84 , sjálfsmark)
Búlgaría 1 - 1 Svartfjallaland
0-1 Stefan Mugosa ('50 )
1-1 Todor Nedelev ('82 , víti)
B-riðill
Portúgal 0 - 0 Úkraína
Lúxemborg 2 - 1 Litháen
0-1 Fedor Cernych ('14 )
1-1 Leandro Barreiro Martins ('45 )
2-1 Gerson Rodrigues ('55 )
H-riðill
Moldavía 1 - 4 Frakkland
0-1 Antoine Griezmann ('24 )
0-2 Raphael Varane ('27 )
0-3 Olivier Giroud ('36 )
0-4 Kylian Mbappe ('87 )
1-4 Vladimir Ambros ('89 )
Albanía 0 - 2 Tyrkland
0-1 Burak Yilmaz ('21 )
0-2 Hakan Calhanoglu ('55 )
Athugasemdir