Töluverður fjöldi íslenskra félaga missti af æfingaferðum sem fyrirhugaðar voru á undirbúningstímabilinu.
Ferðum var aflýst vegna heimsfaraldursins en mörgum félögum hefur gengið illa að fá endurgreiddar ferðir sem búið var að borga.
ÍTF segir í svari við fyrirspurn Fótbolta.net hafa upplýsingar um a.m.k. 20 milljónir króna sem eru útistandandi og félögin fá ekki endurgreitt vegna ferða sem aldrei voru farnar.
Ferðum var aflýst vegna heimsfaraldursins en mörgum félögum hefur gengið illa að fá endurgreiddar ferðir sem búið var að borga.
ÍTF segir í svari við fyrirspurn Fótbolta.net hafa upplýsingar um a.m.k. 20 milljónir króna sem eru útistandandi og félögin fá ekki endurgreitt vegna ferða sem aldrei voru farnar.
„Nokkur félög hafa haft samband og óskað eftir aðstoð við að innheimta hjá ferðaskrifstofum sem ekki hafa endurgreitt ferðir sem aldrei voru farnar og gróf samantekt okkar segir að um sé að ræða einhverja tugi milljóna sem félögin eiga inni hjá ferðaskrifstofum sem skipulögðu og seldu ferðirnar," segir í svari ÍTF.
Samkvæmt upplýsingum Fótbolta.net hafa VITA ferðir endurgreitt fjölmörgum félögum en Úrval Útsýn og fleiri ferðaskrifstofur skulda íslenskum félögum umtalsverðar upphæðir.
Eins og allir vita hefur kórónaveirufaraldurinn haft víðtæk áhrif á atvinnulífið og ferðabransinn fengið hvað stærstan skell.
Athugasemdir