„Þetta var betra en ég bjóst við. Auðvitað setti ég markmiðið hátt. Sum markmið heppnuðust og sum ekki," segir Arnór Sigurðsson um sitt fyrsta tímabil hjá CSKA Moskvu í Rússlandi.
Þetta sagði Arnór í viðtali við ÍA TV.
Þetta sagði Arnór í viðtali við ÍA TV.
Þegar Arnór var beðinn um að nefna hápunktana á tímabilinu nefndi hann tvo leiki.
„Það er klárlega leikurinn á Santiago Bernabeu á móti Real Madrid og leikurinn á móti Spartak Moskvu, stærsti leikurinn í rússneska boltanum og grannaslagur. Við unnum 2-0 og ég skoraði bæði þar. Það eru tveir hápunktar."
Þessi efnilegi landsliðsmaður hefur verið orðaður við stórlið í Evrópu, þar á meðal Napoli í ítölsku úrvalsdeildinni.
„Það er ekkert mikið að segja frá. Auðvitað er búið að vera að tala um áhuga og eitthvað sem er í gangi sem kemur með góðri frammistöðu og ég er stoltur af því. Það opnar ekkert fyrr en í júlí þannig að ég er slakur og mér líður vel í Moskvu. Ég er bara að njóta þess að vera í fríi og mun taka stöðuna seinna."
Hér að neðan má sjá viðtalið í heild sinni, en Arnór talar þar líka um uppeldisfélag sitt, ÍA, og gengi liðsins í Pepsi Max-deildinni. Hann telur að liðið geti klárlega haldið áfram að berjast á toppnum.
Sjá einnig:
Arnór Sig tilnefndur sem leikmaður ársins hjá CSKA
Athugasemdir