KR tapaði óvænt 3-0 á heimavelli gegn KR á laugardaginn. Finnur Tómas Pálmason og Arnór Sveinn Aðalsteinsson, miðverðir KR, meiddust í fyrstu umferðinni gegn Val og voru báðir fjarri góðu gamni.
Rætt var um hinn 19 ára gamla Finn í Innkastinu í gærkvöldi en í þeim átján leikjum sem hann hefur spilað í Pepsi Max-deildinni á ferlinum hefur hann einungis einu sinni verið í tapliði.
„Hann kemur inn í liðið eftir þessa hægu byrjun í fyrra og tap gegn Grindavík. Þá kom hann inn og liðið fór að virka. Menn hafa sagt Finnur sem allt vinnur um hann. Tölfræðin segir að það eru miklu meiri líkur á að KR vinni leiki þegar þessi ungi miðvörður er með," sagði Elvar Geir Magnússon í Innkastinu í gær.
Ingólfur Sigurðsson bætti við: „Hann hefur margsannað hversu mikilvægur hann er KR liðinu þegar hann er í vörninni. Hann er kaldur á boltann og góður varnarmaður umfram allt. Hann spilar eins og hann sé 35 ára."
Sjá einnig:
Rúnar ekki viss um hvenær miðverðir KR verða klárir
Athugasemdir