Malen, Maguire, Rashford, Greenwood, Yoro, Eriksen og fleiri góðir í slúðri dagsins
   sun 22. júlí 2018 06:00
Gunnar Logi Gylfason
4. deild: Elliði með mikilvægan sigur fyrir vestan
Elliði gerði sér góða ferð vestur
Elliði gerði sér góða ferð vestur
Mynd: Fótbolti.net - Einar Ásgeirsson
Elliði fór vestur á Ísafjörð og lék gegn Herði í gær.

Heimamenn komust yfir eftir rúmlega hálftímaleik en gestirnir snéru taflinu við með mörkum í kringum hálfleikinn.

Þegar um stundarfjórðungur var eftir af venjulegum leiktíma tvöfölduðu gestirnir svo forystu sína. Heimamenn minnkuðu muninn í uppbótartíma en nær komust þeir ekki og mikilvægur sigur Elliða því staðreynd.

Með sigrinum heldur Elliði í við Skallagrím sem er í sætinu fyrir ofan, 2. sætinu, með 21 stig. Elliði er í því þriðja með 18 stig en 2. sætið gefur sæti í úrslitakeppnina þar sem leikið er um sæti í 3. deild að ári.

Hörður er enn í 5. sæti af 8 liðum með 9 stig.

Hörður Í. 2-3 Elliði
1-0 Hjalti Hermann Gíslason ('32)
1-1 Pétur Óskarsson ('41)
1-2 Sæmundur Sven A Schepsky ('50)
1-3 Nikulás Ingi Björnsson ('76)
2-3 Ingvar Bjarni Viktorsson ('90)
Athugasemdir
banner
banner
banner
banner