„Mér fannst við bara mjög flottir, við vorum sterkir varnalega í leiknum. Þegar við erum skipulagðir erum við yfirleitt líka hættulegir. Við fáum fullt af færum og skorum tvö góð mörk í fyrri hálfleik. Cristian ver líka víti á mikilvægum punkti sem gaf liðinu meira sjálfstraust," sagði Tufa þjálfari KA eftir 5-1 sigur á Fylki í dag.
Lestu um leikinn: KA 5 - 1 Fylkir
KA hefur unnið síðustu þrjá leiki eftir erfiða byrjun í deildinni.
„Miklu betra skipulag, varnarleikurinn er til fyrirmyndar. Það eru allir að gefa meira á æfingasvæðinu og í leikjunum og menn fá verðlaun fyrir það."
KA fékk á sig mark í stöðunni 5-0.
„Þetta var pirrandi en þegar leikurinn er kominn í 5-0 þá slaka leikmennirnir aðeins á einbeitingunni og gefa þetta mark. Það breytir ekki myndinni af leiknum. Mínir strákar voru góðir frá upphafi og fram til enda."
Næsti leikur KA er gegn ÍBV í deildinni.
„Hörkuleikur framundan, ég man ekki hvenær KA vann síðast í Vestmannaeyjum þannig við ætlum að undirbúa þennan leik vel."
Hægt er að horfa á viðtalið í heild í sjónvarpinu hér að ofan.
Athugasemdir