Breiðablik tekur á móti Grindavík á Kópavogsvelli í Pepsi Max deild karla. Breiðablik sem situr í 2.sæti deildarinnar hefur fatast flugið í deildinni og þarf nauðsynlega á sigri að halda hér í kvöld til þess að minnka forskot KR sem situr í toppsætinu niður í 5 stig.

Grindavík þarfnast sigurs sömuleiðis sárlega því þrátt fyrir það að vera með besta varnarlið deildarinnar sitja þeir í 9.sæti deildarinnar fyrir ofan fallsæti aðeins á markatölu og hafa ekki unnið leik í Pepsi Max deildinni síðan 20.maí þegar liðið lagði Fylki í Grindavík 1-0

Blikar gera eina breytingu á liði sínu frá síðasta deildarleik gegn HK en Brynjólfur Darri Willumsson fer út fyrir Alexander Helga Sigurðsson. Vekur athyhli að engin Gísli Eyjólfsson er í byrjunarliði Blika

Hjá Grindavík fara þeir Sigurjón Rúnarsson og Sigurður Bjartur Hallsson út fyrir Marinó Axel Helgason og Gunnar Þorsteinsson sem snýr aftur eftir leikbann.