Adda með miðann góða.
Breiðablik vann 4 - 0 sigur á Val í stórleik umferðarinnar í Pepsi Max-deild kvenna í gærkvöldi. Blikar komust í 2 - 0 í upphafi síðari hálfleiks og eftir klukkutíma leik tók Pétur Pétursson þjálfari Vals ákvörðun um að breyta liði sínu með tvöfaldri skiptingu.
Arna Eiríksdóttir og Ída María Hermannsdóttir komu inn fyrir Ásdísi Karen Halldórsdóttur og Dóru Maríu Lárusdóttur en á sama tíma kallaði Pétur miðjumanninn Ásgerði Stefaníu Baldursdóttur, Öddu, til sín og rétti henni miða.
Arna Eiríksdóttir og Ída María Hermannsdóttir komu inn fyrir Ásdísi Karen Halldórsdóttur og Dóru Maríu Lárusdóttur en á sama tíma kallaði Pétur miðjumanninn Ásgerði Stefaníu Baldursdóttur, Öddu, til sín og rétti henni miða.
„Tvöföld skipting hjá Val og henni fylgir bréfsending. Ásgerður Stefanía fær afhentan miða frá þjálfarateyminu. Skokkar til Hallberu fyrirliða og þær lesa leyniskilaboðin saman. Hvað ætla Valskonur að gera?" skrifaði Mist Rúnarsdóttir í textalýsingunni á Fótbolta.net.
Á meðfylgjandi myndum má svo fylgja bréfinu eftir frá þeim tíma þegar Pétur og Eiður Ben aðstoðarmaður hans sömdu það þar til það endaði inná Öddu. Við vitum enn í dag ekkert um hvað stóð í bréfinu en þar var greinilega engin töfralausn því Blikar skoruðu tvö mörk til viðbótar eftir það.
Eiður Ben og Pétur leggja á ráðin og semja bréfið góða.
Tvöföld skipting og á sama tíma réttir Pétur Öddu miðann.
Adda hleypur framhjá Þorsteini Halldórssyni þjálfara Blika en hélt bréfinu þétt að sér.
Svo skoðar hún skilaboðin.
Því næst réttir hún fyrirliðanum Hallberu Guðný bréfið.
Hallbera kynnir sér málin.
Adda fær bréfið aftur.
Hún kallar skilaboð til Lillý Rutar.
Ída Marín sem var að koma inná fær skipanir.
Elías Ingi Árnason dómari er orðinn forvitinn um bréfið.
Adda stingur bréfinu inn á sig svo enginn annar sjái það.
Athugasemdir
