Ásmundur Arnarsson þjálfari Fjölnis var nokkuð sáttur með spilamennsku liðsins á Meistaravöllum í kvöld en liðið gerði 2-2 jafntefli við Íslandsmeistarana í hörkuleik.
Lestu um leikinn: KR 2 - 2 Fjölnir
„Hrós til strákana, við erum í ólgu sjó og brattri brekku og það hefur mikið fallið á móti okkur hingað til og þá er auðvelt að hengja haus og missa móðin en þessi leikur í kvöld sýndi það að við erum langt frá því að vera þar."
„Við lögðum mikið í þetta, vissum að þetta yrði erfiður leikur en náum allaveganna í eitt stig, hefði verið gaman að fara með öll 3."
Ásmundur Arnarsson talaði um leka í síðasta leik en núna skora Fjölnismenn fyrsta mark leiksins og Ási var spurður hvert upplegg liðsins hafi verið fyrir leikinn í kvöld?
„Við leggjum áherslu á að fækka mörkum fengin á okkur en fáum samt á okkur tvö í dag og þurfum að halda áfram að loka fyrir það."
Hallvarður Óskar og Ingibergur kort koma inná í síðari hálfleik í stöðunni 2-1 og voru þeir félagar ekki lengi að jafna leikinn fyrir Fjölnismenn.
„Við höfum slatta af sprækum og duglegum strákum og við þurfum bara að nýta það rétt."
Viðtalið í heild má sjá í sjónvarpinu hér að ofan.
Athugasemdir