„Þetta voru eðlileg viðbrögð," sagði Ole Gunnar Solskjær, stjóri Manchester United, um vítaspyrnuna sem var dæmd á Paul Pogba í jafnteflinu gegn West Ham í ensku úrvalsdeildinni.
„Paul veit að hann hefði átt að fá boltann í andlitið en þetta eru eðlileg viðbrögð þegar boltinn kemur á fleygiferð í átt að þér."
„Paul veit að hann hefði átt að fá boltann í andlitið en þetta eru eðlileg viðbrögð þegar boltinn kemur á fleygiferð í átt að þér."
Solskjær var annars bara nokkuð sáttur með að vera kominn í þriðja sæti deildarinnar er hann ræddi við BBC eftir leikinn.
„Við vissum að þetta yrði erfitt í dag. Þeir hafa verið á góðu skriði í undanförnum leikjum og það er erfitt að spila gegn þeim. Þeir eru alltaf hættulegir í föstum leikatriðum. Okkur tókst að vinna seinni hálfleikinn eins og við ætluðum að gera."
„Við byrjuðum mjög vel og vorum með yfirburði fyrsta hálftíma. Það er alltaf eitthvað sem getur gerst í ensku úrvalsdeildinni. Vítaspyrnan var óheppni."
Man Utd mætir Leicester í lokaumferð ensku úrvalsdeildarinnar á sunnudag og nægir jafntefli þar til að komast í Meistaradeildina.
Athugasemdir