Hún er orðin býsna löng sagan um möguleg kaup krónprinsins frá Sádí-Arabíu á Newcastle fyrir 300 milljónir punda.
Þessi saga hefur verið í umræðunni í marga mánuði en aðeins minna síðustu vikur. Samkvæmt Mirror þá er þetta allt komið í pásu núna.
Enska úrvalsdeildin hefur ekki gefið leyfi á yfirtökuna. BeIN Sports, sem borgar gríðarlega mikið fyrir sjónvarpsrétt á enska boltanum vill meina að rekja megi margar sjóræningjastöðvar á netinu sem streyma enska boltanum ólöglega til Sádi-Arabíu.
Enska úrvalsdeildin stendur með BeIN Sports og Newcastle er að undirbúa annað tímabil með Mike Ashley og Steve Bruce við stjórnvölin.
Þessi mögulega yfirtaka á Newcastle hefur þá verið gagnrýnd af mannréttindasamtökum eins og Amnesty International, vegna mannréttindabrota sem framin eru í landinu.
Athugasemdir