Berglind Björg skoraði bæði mörk Breiðabliks í 3-2 tapi liðsins á móti Val í lokaumferð Pepsideildarinnar.
Lestu um leikinn: Valur 3 - 2 Breiðablik
Breiðablik eru Íslandsmeistarar en enda sumarið á tapi. Hvernig er tilfinningin?
"Hún er bara ömurlegt. Maður á kannski ekki að hugsa um þennan leik. Ég ætla bara að reyna stroka hann út! Við vildum nátla enda þetta sumar á sigri og við gerðum það ekki sem er mjög pirrandi."
Þú varst fyrir leikinn með 17 mörk. Bættir tveimur við í dag og endar í 19 mörkum og ert markadrottning. Þetta hlýtur að vera ansi skemmtilegt?
"Já ég meina það er gaman að skora ef það skilar sigrum. En geggjað að fá þennan skó, hef aldrei náð því áður."
Þú skorar 15 mörk í fyrra. 19 núna. Breyttir þú einhverju sjálf til að bæta svona við þig?
" Góð spurning. Bara eftir þessa hörmung á Ítalíu, ég greinilega þurfti að fá smá tusku í andlitið til að segja í 6.gír.En ég veit það ekki. Þetta er frábært lið, góðir liðsfélagar og þær eru að leggja upp góð mörk á mig"
Ef maður lítur yfir liðið ykkar. Þið eruð með svakalega ungt lið. Missið Selmu og Andreu á miðju tímabili. Ef þú ert hreinskilin bjóstu við því að vinna allt?
"Við settum okkur markmið að við ætluðum að vinna. Maður nær ekkert alltaf markiðunum sínu en við náðum því núna. Við litum vel út í vetur og við erum með góðar stelpur á bekknum sem koma komið inn og breytt leikjum. "
Hafa ungu stelpurnar komið þér á óvart hvernig þær hafa staðið sig og komið inn í þetta?
"Nei einsog ég segi þær voru að standa sig vel á undirbúningstímabilinu. Þær urðu bara betri og betri þegar leið á sumarið. Þær eru ekkert ungar og efnilegar lengur heldur ungar og góðar."
Nánar er rætt við Berglindi í spilaranum að ofan um framhaldið og fleira.
Athugasemdir