Vestri lagði lið Kára í Akraneshöllinni í dag í síðustu umferð 2. deildar karla.
Lestu um leikinn: Kári 1 - 2 Vestri
“Þetta var leikur sem gat dottið hvoru megin sem var og það datt þeirra megin, þetta var bara hörku leikur, skemmtilegur leikur, við komumst þarna yfir og þeir koma svo grimmir inn í seinni hálfleikinn, vitandi það að þeir eiga möguleguleika af því Afturelding var að tapa á sama tíma. Þannig það var við því búist að þeir kæmu brjálaðir inn í seinni hálfleikinn, sem þeir gerðu og þeir ná að skora þarna tvö góð mörk, sérstaklega flott þarna seinna markið hjá þeim. En síðan kemur þarna rautt spjald og þetta var bara hörkuleikur og skemmtilegur leikur.” Hafði Lúðvík þjálfari Kára að segja um leikinn.
Að því spurður hvort hann yrði áfram með liðið sagði hann:
“Já, ég veit ekki annað. Formaðurinn var hins vegar drullu svektur með að vera ekki í hóp í kvöld og spurði strákana um einhvern góðan þjálfara á lausu. Þannig ég veit það ekki, það á eftir að koma í ljós hvað verður."
Mikil umræða hefur verið um það að ÍA vildi ekki að Kári færi upp, en Lúðvík hafði eftirfarandi um það að segja:
“Ég túi því ekki að þeir hafi ekki viljað okkur upp, þetta snérist bara um að við ætluðum að reyna að vinna eins mikið og við gætum og 2. flokkur var í toppbaráttu sem endaði auðvitað með því að þeir unnu og við lenntum auðvitað í smá hallæri á meðan, en það hefði verið auðveldlega hægt að koma í veg fyrir það ef við hefðum aðeins kannski gengið betur um hlutina og verið aðeins skipulagðari með þetta, en ég vísa því bara til föðurhúsanna að skaginn hafi ekki viljað okkur upp, alveg klárlega.”
Viðtalið í heild sinni má sjá í sjónvarpinu hér að ofan.
Athugasemdir