Íslenski landsliðsmaðurinn Arnór Ingvi Traustason lagði upp mark í 3-0 sigri Malmö á Elfsborg í dag.
Arnór hefur verið öflugur með Malmö á síðustu vikum en hann byrjaði þó á bekknum í dag.
Hann kom inná á 64. mínútu og lagði svo upp þriðja mark Malmö á 84. mínútu.
Malmö er með 50 stig í 2. sæti eftir sigurinn, aðeins þremur stigum á eftir Djurgården.
Daníel Hafsteinsson var þá ónotaður varamaður er Helsingborg vann 2-1 sigur á Eskilstuna.
Athugasemdir