| þri 22. september 2020 13:35 |
|
Lið vikunnar í enska - Hrikalega mikil gæði fram á við
Englandsmeistarar Liverpool unnu stórleikinn gegn Chelsea, Everton og Arsenal hafa unnið báða leiki sína, Manchester City fer af stað með sigri en grannarnir í Manchester United töpuðu fyrir Crystal Palace. Hér er lið vikunnar eftir aðra umferð ensku úrvalsdeildarinnar, Mirror sá um valið.
Alisson (Liverpool) - Varði víti frá Jorginho þegar Liverpool vann 2-0 sigur gegn Chelsea.
Timothy Castagne (Leicester City) - Aftur í úrvalsliðinu. Var stórhættulegur fram á við þegar Leicester vann Burnley.
Ben White (Brighton) - Það er auðvelt að sjá af hverju Leeds gerði allt til að reyna að halda varnarmanninum. Var frábær þegar Brighton vann Newcastle.
Fabinho (Liverpool) - Var miðvörður gegn Chelsea og lék virkilega vel.
Tyrick Mitchell (Crystal Palace) - Þessi 21 árs vinstri bakvörður átti fantaflottan leik í sigrinum gegn Manchester United.
Kevin de Bruyne (Manchester City) - Belginn var langbestur á vellinum í 3-1 sigri gegn Úlfunum.
Mateusz Klich (Leeds United) - Skoraði eitt og átt stoðsendingu í 4-3 sigri gegn Fulham.
Son Heung-min (Tottenham) - Skoraði fjögur mörk gegn Southampton. Mööögnuð frammistaða!
Harry Kane (Tottenham) - Lagði upp öll fjögur fyrir Son og skoraði eitt sjálfur.
Dominic Calvert-Lewin (Everton) - Skoraði þrennu í 5-2 sigri gegn West Brom. Sá fer vel af stað á tímabilinu.
Sadio Mane (Liverpool) - Skoraði bæði mörkin og var maður leiksins í sigrinum gegn Chelsea.
Athugasemdir
Nýjustu fréttirnar
10:00
16:03
