banner
   fim 22. september 2022 09:50
Elvar Geir Magnússon
Markvörður inn fyrir meiddan miðvörð í U21 - Finnur Tómas ekki með gegn Tékkum
Finnur Tómas Pálmason á æfingu U21 landsliðsins.
Finnur Tómas Pálmason á æfingu U21 landsliðsins.
Mynd: Fótbolti.net - Hafliði Breiðfjörð
Ólafur Kristófer Helgason.
Ólafur Kristófer Helgason.
Mynd: Fótbolti.net - Hafliði Breiðfjörð
Markvörðurinn Ólafur Kristófer Helgason í Fylki hefur verið kallaður inn í hóp U21 karla fyrir leikina tvo gegn Tékklandi. Þá hefur verið tilkynnt að Finnur Tómas Pálmason, miðvörður KR, getur ekki tekið þátt vegna meiðsla.

Þetta er önnur breytingin sem Davíð Snorri Jónasson hefur þurft að gera á leikmannahópi sínum fyrir þessa mikilvægu umspilsleiki. Í morgun var það staðfest að Kristall Máni Ingason getur ekki tekið þátt vegna meiðsla og inn fyrir hann kemur Sveinn Margeir Hauksson í KA.

Ólafur var valinn í lið ársins í Lengjudeildinni en hann hjálpaði Fylki að komast upp í deild þeirra bestu. Finnur Tómas var ekki með KR í síðasta leik vegna meiðslanna sem halda honum frá komandi leikjum.

Fyrri leikurinn gegn Tékkum verður á Víkingsvelli annað kvöld en seinni leikurinn ytra í næstu viku. Sigurliðið mun komast í lokakeppni EM sem haldin verður í Rúmeníu og Georgíu á næsta ári.

Hópurinn:
Hákon Rafn Valdimarsson - IF Elfsborg
Adam Ingi Benediktsson - FC Trollhättan
Ólafur Kristófer Helgason - Fylkir

Brynjólfur Andersen Willumsson - Kristansund BK
Kolbeinn Þórðarson - Lommel SK
Ísak Óli Ólafsson - Esbjerg fB
Bjarki Steinn Bjarkason - Venezia FC
Ágúst Eðvald Hlynsson - Valur
Sævar Atli Magnússon - Lyngby BK
Sveinn Margeir Hauksson - KA
Valgeir Lunddal Friðriksson - BK Häcken
Viktor Örlygur Andrason - Víkingur R.
Kristian Nökkvi Hlynsson - Ajax
Róbert Orri Þorkelsson - CF Montreal
Atli Barkarson - SönderjyskE
Andri Fannar Baldursson - NEC Nijmegen
Dagur Dan Þórhallsson - Breiðablik
Orri Steinn Óskarsson - FC Köbenhavn
Ísak Snær Þorvaldsson - Breiðablik
Óli Valur Ómarsson - IK Sirius
Logi Tómasson - Víkingur R.
Þorleifur Úlfarsson - Houston Dynamo


Athugasemdir
banner
banner
banner
banner
banner