Heimild: Heimildir KA 

Elfar Árni sem er 28 ára gamall kom fyrst til KA fyrir sumarið 2015 og hefur því leikið fjögur tímabil með liðinu, þar af tvö síðustu í Pepsi-deildinni.

Með KA hefur Elfar skorað 39 mörk í 93 leikjum í deild og bikar auk þess sem hann hefur lagt upp ófá mörkin fyrir liðsfélaga sína.

Í sumar skoraði hann fimm mörk í 21 leik fyrir KA í Pepsi-deildinni.

„Það eru miklar gleðifregnir að halda honum áfram innan okkar raða enda er hann flottur karakter utan vallar auk þess að vera magnaður leikmaður á vellinum," segir á heimasíðu KA.

„Við hlökkum til að sjá Elfar Árna aftur á vellinum þegar fótboltinn fer aftur af stað og ætlumst áfram mikils af þessum flotta leikmanni."

KA hafnaði í sjöunda sæti Pepsi-deildarinnar í sumar en Óli Stefán Flóventsson var ráðinn sem nýr þjálfari liðsins eftir tímabilið.