Enska knattspyrnusambandið staðfesti í dag að Marco Ianni aðstoðarstjóri Chelsea hafi verið ákærður fyrir óíþróttamannslega hegðun í leik liðsins gegn Manchester United um helgina.
Chelsea jafnaði í uppbótartíma gegn United um helgina og Ianni fagnaði markinu af ákefð fyrir framan Jose Mourinho knattspyrnustjóra Man Utd.
Portúgalski stjórinn missti stjórn á skapi sínu í kjölfarið og hafa margir sýnt honum skilning.
Mourinho fékk afsökunarbeiðni frá Ianni og Maurizio Sarri en nú þarf Ianni að takast á við ákæru enska knattspyrnusambandsins.
Athugasemdir