Ben Woodburn, leikmaður Liverpool, var einn umtalaðasti ungi fótboltamaður Evrópu en hann hefur lent í sínu fyrsta mótlæti á ferlinum.
Þessi 19 ára strákur var lánaður frá Liverpool til Sheffield United í B-deildina fyrir tímabilið en lítill spiltími í Sheffield gerði það að verkum að Woodburn lék fyrir varalið Liverpool um helgina.
Woodburn á ellefu leiki fyrir aðallið Liverpool en hans fyrsti leikur var gegn Sunderland í nóvember 2016. Hann varð yngsti markaskorari Liverpool frá upphafi þegar hann skoraði gegn Leeds í deildabikarnum, 17 ára og 45 daga gamall. Þá á hann sjö landsleiki fyrir Wales.
Woodburn spilaði alla sex leiki Sheffield United í ágúst en síðan þá hefur hann aðeins spilað þrettán mínútur í Championship-deildinni.
En af hverju er þessi vonarstjarna Liverpool ekki að spila betur núna?
Þessi 19 ára strákur var lánaður frá Liverpool til Sheffield United í B-deildina fyrir tímabilið en lítill spiltími í Sheffield gerði það að verkum að Woodburn lék fyrir varalið Liverpool um helgina.
Woodburn á ellefu leiki fyrir aðallið Liverpool en hans fyrsti leikur var gegn Sunderland í nóvember 2016. Hann varð yngsti markaskorari Liverpool frá upphafi þegar hann skoraði gegn Leeds í deildabikarnum, 17 ára og 45 daga gamall. Þá á hann sjö landsleiki fyrir Wales.
Woodburn spilaði alla sex leiki Sheffield United í ágúst en síðan þá hefur hann aðeins spilað þrettán mínútur í Championship-deildinni.
En af hverju er þessi vonarstjarna Liverpool ekki að spila betur núna?
„Ég hef engar áhyggjur af Ben í ljósi þeirra gæða sem hann býr yfir. Stundum gengur það ekki þegar leikmenn fara á lán en hann sýndi mér á æfingum í síðasta landsliðsverkefni hvað hann getur gert. Kannski mun það bara hjálpa honum að fara í gegnum þessa erfiðleika, hann gæti komið sterkari út úr þeim," segir Ryan Giggs, landsliðsþjálfari Wales.
En hvað segir Chris Wilder, þjálfari Sheffield United?
„Hann þarf að komast í liðið, það er eins með hann eins og aðra. Þetta hefur verið erfitt fyrir Ben og kannski eru þetta fyrstu erfiðleikar hans á ferlinum. En hann er mjög hæfileikaríkur og á bjarta framtíð. Þetta er í höndunum á Ben, hann þarf bara að nýta tækifærin og sýna sig á æfingum," segir Wilder.
Woodburn gerði lánssamning við Sheffield út tímabilið en mun halda áfram að spila fyrir varalið Liverpool ef hann heldur áfram að vera í svona litlu hlutverki hjá félaginu.
Athugasemdir