Will Ferrell er mikill áhugamaður um fótbolta og styður hann Los Angeles FC í bandarísku MLS deildinni og á hlut í félaginu.
Hann mætti því vitaskuld á gífurlega mikilvægan leik liðsins gegn Vancouver Whitecaps í næstsíðustu umferð deildakeppninnar í gær.
Ferrell lét sér ekki leiðast á leiknum og hélt hann stuði í stuðningsmönnum í dágóðan tíma eins og er hægt að sjá á myndbandinu hér neðar.
Leiknum lauk með 2-2 jafntefli þar sem Úrúgvæinn ungi Diego Rossi kom heimamönnum tveimur mörkum yfir á fyrsta stundarfjórðungi leiksins, en það dugði ekki til.
Los Angeles er í öðru sæti Vesturdeildarinnar fyrir lokaumferðina þar sem liðið mætir Sporting Kansas í toppslag.
Tvö efstu sætin veita beinan þátttökurétt í annað stig úrslitakeppninnar. Los Angeles þarf því sigur í toppslagnum sem fer fram næsta sunnudag.
WILL FERRELL IN THE NORTH END!
— LAFC (@LAFC) October 21, 2018
Conducting the @LAFC3252 🙌#JumpForLAFootballClub pic.twitter.com/Rle2vCLiI0
Athugasemdir
