Kolbrún Tinna Eyjólfsdóttir er búin að skrifa undir samning við Fylki en hún lék þrettán keppnisleiki í fyrra.
Kolbrún Tinna er fædd 1999 og þótti gífurlega mikið efni á sínum tíma. Hún spilaði 24 leiki fyrir yngri landsliðin en á enn eftir að taka stökkið upp í A-liðið.
Kolbrún á 74 meistaraflokksleiki að baki með Fylki, Stjörnunni, Fjölni og Haukum.
„Við Fylkismenn getum glaðst yfir þeim tíðindum að leikmenn haldi tryggð við félagið og ætli sér að koma því í deild þeirra bestu!" segir í yfirlýsingu frá Fylki.
Fylkir féll úr Pepsi Max-deildinni í fyrra og ætlar sér beint aftur upp.
Athugasemdir