UEFA staðfesti í dag að úrslitaleikjum í Meistaradeildinni og Evrópudeildinni yrði frestað um óákveðin tíma en sérstakur vinnuhópur hefur unnið að lausnum varðandi keppnirnar.
UEFA frestaði keppni í öllum keppnum til að koma í veg fyrir frekari útbreiðslu á kórónaveirunni en ástandið hefur versnað til muna og er ómögulegt að segja til um hvenær tímabilið verður klárað.
Úrslitaleikurinn hjá karlaliðunum fer fram á Ataturk-leikvanginum í Istanbúl í Tyrklandi og átti hann að fara fram þann 30. mai en það verður þó ekkert af því og er óljóst hvenær hann verður spilaður.
Þá hefur úrslitaleik Meistaradeildar kvenna og í Evrópudeildinni einnig verið frestað.
Vinnurhópur UEFA skoðar áfram dagsetningar varðandi úrslitaleikina og fylgist grannt með stöðunni.
Athugasemdir