Höskuldur skoraði tvö: Var með ágætis tilfinningu í nýjum skóm
Jón Þór: Þessi leikur á eftir að nýtast okkur helling
Dóri staðfestir viðræðuslitin: Var kannski ekki eins og menn höfðu séð fyrir sér
Gummi Tóta: Vonaðist til að hjálparvörnin kæmi
Andri Lucas: Vonandi komumst við á stórmót eins fljótt og hægt er
Daníel Leó: Menn eru ennþá í áfalli
Hákon Arnar: Ég vona það fyrir framtíðina
Stefnan er sett á HM - „Maður lærir mest þegar á móti blæs“
„Ekkert eðlilega svekkjandi, ömurlegt bara"
Jói Berg: Grátlegt að vera svona nálægt þessu og ná ekki á EM
Jón Dagur: Líður eins og tímabilið sé búið
Hareide lítur björtum augum á framtíðina - „Þurfum fleiri varnarmenn"
Furðar sig á ákvörðun Rebrov - „Held að Guðmundsson skori"
Beðið um mynd í miðju viðtali - „Ef þú syngur með okkur í 90 mínútur þá ertu í Tólfunni"
Joey Drummer: Besta stund sem ég hef upplifað
Siggi Bond með innherjaupplýsingar fyrir leikinn í kvöld
Sjáðu auglýsinguna fyrir Bestu deildina 2024 - Þekkt andlit í nýjum aðstæðum
27 þúsund miðar seldir á Úkraína - Ísland í Wroclaw skálinni
Víðir Sig: Væri gaman ef annar draumur myndi rætast í þessari borg
Jói bjartsýnn á að geta spilað - „Það róaði taugarnar ansi mikið"
   þri 23. mars 2021 13:29
Elvar Geir Magnússon
Arnór Ingvi: Maður grét nánast í sófanum
Icelandair
Arnór Ingvi segir að það sé smá Kani í sér.
Arnór Ingvi segir að það sé smá Kani í sér.
Mynd: Fótbolti.net - Hafliði Breiðfjörð
Hafliði Breiðfjörð er staddur í Þýskalandi þar sem íslenska landsliðið er að fara að mæta heimamönnum á fimmtudagskvöld í fyrsta leiknum í undankeppni HM.

Hafliði ræddi við Arnór Ingva Traustason í dag og byrjaði að spyrja út í nýja félagslið hans, New England Revolution í Bandaríkjunum.

„Ég skrifaði undir fyrir nokkrum dögum og er hrikalega spenntur fyrir þessu. Ég fer þarna líklega eftir landsleikina. Það kom upp áhugi frá þeim í fyrra og þetta hefur verið viðloðandi síðan," segir Arnór.

Er draumur að rætast með því að fara til Bandaríkjanna að spila?

„Maður hafði alveg hugsað út í það, komandi úr Keflavík, það er smá Kani í mér. Þetta verður ævintýri og gaman að prófa þetta. Það var einhver áhugi frá Evrópu og öðrum félögum í MLS en mér fannst þetta rétta skrefið."

Arnór var ekki með íslenska landsliðinu þegar það tapaði á dramatískan hátt fyrir Ungverjalandi og mistókst að komast á EM. Arnór hafði smitast af Covid-19 og þurfti að fylgjast með úr fjarlægð.

„Það var hrikalega svekkjandi að horfa á þetta upp í sófa. Maður grét nánast því þetta var svo ótrúlega svekkjandi. Nú er ný undankeppni og við ætlum okkur alla leið," segir Arnór sem veiktist ekki mikið af veirunni. „Ég var bara heima í einangrun og missti lykt og bragð en ekkert annað."

Sjáðu viðtalið í heild í sjónvarpinu hér að ofan en þar ræðir Arnór meðal annars um möguleikana gegn Þýskalandi og nýja þjálfarateymið.
Athugasemdir
banner
banner
banner
banner
banner