Arnar Sveinn Geirsson, hægri bakvörður Vals er væntanlega að ganga í raðir Breiðabliks. Þetta kemur fram á 433.is.
Sigurbjörn Hreiðarsson, aðstoðarþjálfari Valsliðsins staðfesti við 433 að Valur hefði samþykkt tilboð í hann.
Arnar Sveinn er fæddur árið 1991, síðustu ár hefur hann spilað sem bakvörður en er að upplagi kantmaður.
Breiðablik hefur verið í leit að styrkingu en bakvörðurinn Davíð Kristján Ólafsson gekk í raðir Álasunds í vetur.
Gríðarleg samkeppni er hjá Valsliðinu en Arnar var ekki í leikmannahópnum í leiknum gegn Stjörnunni í Meistarakeppni KSÍ í síðustu viku.
Pepsi Max-deildin fer af stað á föstudaginn þegar Valur leikur gegn Víkingi Reykjavík í opnunarleiknum. Breiðablik leikur gegn Grindavík á laugardaginn.
Athugasemdir